Just You And God
Pagkagising mo, ano ang una mong ginagawa? Check ba agad ng cellphone? Mag-exercise? Or start getting ready for school or work?
Noong single pa kami, may nasalihan kaming church na may dawn watch prayer. Every morning, bago pa sumikat ang araw, may ilan sa amin na nagtitipon sa isang prayer garden sa isang university, kung saan sama-sama kaming nananalangin. That was a very memorable time for us. Hindi lang ito naging special dahil mas nakilala namin si Jesus, but also because it was part of how we became close friends with each other. Recently, we were remembering that time when we would spend about half an hour after prayer just sharing what we were learning about God.
Baka sabihin mo, parang hindi naman ito tungkol sa self-care. Pero sa totoo lang, naniniwala ako na ang ganitong tahimik na oras kasama si God—mag-isa man o may kasama—ay isang form din ng self-care. Kailangan ko rin ng quiet moments na si Lord lang ang kausap, at mas nagiging meaningful ito kapag nasa labas, surrounded by nature. At alam mo ba, ginawa rin ito ni Jesus (Mark 1:35).
Pero nang mag-asawa na at magkaroon ng anak, mas naging challenging gawin ito. Syempre, kapag may mga bata sa bahay, laging may nangangailangan sa iyo. It’s only in the last year or so that I was again able to find time in the early mornings to take a walk along some wetlands, at napansin kong malaking tulong nito hindi lang sa mood ko kundi sa buong mental health ko.
Ikaw ba? Kailan ka kaya makakahanap kahit isang beses this week ng quiet time outside with God?
Tandaan mo, isa kang miracle!
