Huwag Matakot—May Kasama Ka!
Takot ka ba sa dilim? Baka isa ka sa mga takot sa dilim noong bata ka pa. Hindi ko makalimutan noong Grade 1 ako, may mga kaklase akong mahilig magkwento tungkol sa multo, kaya hindi ako makatulog. Ang ginawa ng mama ko? Pumunta siya sa school at pinagalitan ang mga kaklase ko. (Nakakahiya, ano? 😂)
Ngayong hindi na tayo bata, siguro hindi naman tayo natatakot sa dilim, pero marami sa atin ang natatakot sa kamatayan, sa pagkakasakit, sa kakulangan ng pera, o kapag walang kasiguraduhan ang ating kinabukasan. That’s why we love our series this week, “The Lord is our Shepherd,” taken from Psalm 23. Basahin natin ang susunod na verse in this Psalm:
Dumaan man ako sa madilimna libis ng kamatayan,hindi ako matatakotdahil kayoʼy aking kasama.Ang inyong pamalo at tungkodang sa akiʼy umaaliw. (Salmo 23:4 ASD)
Isn’t this good news? Na kahit dumaan man tayo sa napakadilim na libis ng kamatayan, kasama natin Siya, kaya hindi natin kailangang matakot. At ang pamalo at tungkod ng isang pastol ay para din pala sa kabutihan natin—in real shepherding, ginagamit ito ng pastol in defending the sheep against its enemies, like wolves and other predators. In our walk with Him, ito ang mga ginagawa o ginagamit Niya para matulungan tayong magkaroon ng gaan ng loob.
Ano nga ba ang mga kinatatakutan mo ngayon? Pwede mo itong dalhin sa Kanya. Let’s pray this together, “Lord, natatakot ako ngayon sa [ikwento dito]. Tulungan Mo akong huwag matakot at makitang kasama Kita sa lahat ng pinagdadaanan kong ito. In Jesus’ name, amen.”
Tandaan mo, isa kang miracle!
