Trust Over Fear
As we continue our series this week, pag-usapan pa rin natin ang kuwento ni David, who volunteered to fight the giant Goliath, na patuloy na lumalait sa Israel at sa Panginoon ng Israel.
Can you imagine a very small person standing in front of a literal giant in one-on-one combat? Siguro kung may pustahan noon, malamang doon ka rin pupusta kay Goliath, tama ba?
Pero may malaking pagkakaiba pala kay David at kay Goliath. Si David ay alagad ng Panginoon. Habang nagpapastol siya ng mga tupa ng kanyang pamilya, ilang beses na niyang naranasan kung paano siya tinulungan ng Panginoon na protektahan ang kanyang mga alaga laban sa mga oso at leon. This became David’s confidence—that the same God who helped him before will also be with him in facing the giant.
Kaya ang ginawa ni David, pumunta siya sa isang batis at kumuha ng limang makikinis na bato na gagamitin niya sa kanyang panghilagpos o tirador. (1 Samuel 17:40)
Noong nasa harap na ni Goliath si David, gulat na gulat siya dahil parang bata lang ang pinadala ng Israel upang makipaglaban sa kanya. Pinagtawanan niya ito at kinutya, fully confident na kaya niyang talunin si David nang madali.
Pero alam mo ba? Isang hilagpos lang, tumama ang bato sa ulo ng higante. Nagulat siya, nahilo, at naduling, at napaatras hanggang sa tuluyang natumba. Nanalo si David laban sa higante hindi dahil sa sarili niyang galing, kundi sa tulong ng Panginoon.
Kapag may hinaharap kang problema na parang walang solusyon, ano ang karaniwan mong ginagawa? Nawawalan ka ba agad ng pag-asa, o patuloy ka pa ring naghahanap ng paraan? Kung kailangan mo ng tulong, tawagin mo lang Siya.
Tandaan mo, isa kang miracle!
