There’s Always Hope
Ano ang mga bagay na nagbibigay sa’yo ng pag-asa? At ano naman ang mga sitwasyon na minsan ay nagpapabigat ng iyong puso at nagiging dahilan para mawalan ka ng lakas?
May nabasa akong kwento tungkol sa isang tao who chose to end his life. Sa sulat na iniwan niya, sinabi niya ang maraming dahilan kung bakit siya umabot sa ganoong desisyon. But I guess what took the biggest toll on him was this: his wife, the only person who had stood by him through all the difficult seasons of his life, had finally given up on him.
Nakakalungkot. Napaisip ako kung gaano kahalaga ang pag-asa sa buhay ng isang tao. Kahit successful siya sa ibang aspects ng buhay niya, nawalan siya ng pag-asa nang maramdaman niyang nawala na rin ang tiwala at suporta ng isang taong napakahalaga sa kanya.
Hindi namin ito ibinabahagi para husgahan ang taong iyon. Iba-iba ang mga pinagdadaanan at mga bagay na maaaring magdulot ng pagkadismaya o kawalan ng pag-asa. May mga nadidismaya dahil sa problema sa pamilya, trabaho, relasyon, o maging sa mga nangyayari sa paligid natin.
Kaya mahalagang itanong natin: ano ang maaari nating gawin kapag pakiramdam natin ay unti-unti nang nawawala ang pag-asa?
The writers of the Psalms in the Bible also went through deeply painful experiences. Tingnan natin ang isang ginawa nila sa mga panahong ito:
At ngayon, Panginoon, ano pa ang aasahan ko?
Kayo lang ang tanging pag-asa ko.
Iligtas nʼyo ako sa lahat kong kasalanan… (Salmo 39:7-8 ASD)
Hindi ibig sabihin nito na hindi na natin kailangan ang ibang tao. Kailangan natin ang isa’t isa dahil nilikha tayo ng Panginoon para magkaroon ng relasyon sa isa’t-isa. Pero sa mga panahong may mga taong hindi natin kayang sandalan, may isang hindi nagbabago: ang Panginoon. At kung nahihirapan ka ring manalig sa Kanya, baka makatulong na alalahanin ang mabuting hangarin Niya para sa iyo. (Jeremiah 29:11).
When we know that He is for us, not against us, it becomes easier to lean on Him.
Tandaan mo, isa kang miracle!
