Spoiler Alert: want to know how things will end?
One of the scariest things to think about? Ang isipin kung ano ba ang mangyayari after someone dies. Like…what now? When I was young, I was super paranoid na baka bigla na lang mawala ang mga magulang ko. And every time I heard scary news or false reports about the end of the world coming soon, grabe talaga ang pag-aalala ko sa kung ano ang pwedeng mangyari. There was always a "what if" running through my mind. Katulad din ba kita?
When I came to know Christ, natutunan kong ang pag-iisip at pag-aalala tungkol sa hinaharap ay hindi na bago—many people have felt the same way. There’s a verse in the Bible that says:
At lahat ng ito ay itinadhana ng Diyos na mangyari sa takdang panahon. Binigyan niya tayo ng pagnanais na malaman ang hinaharap…(Mangangaral 3:11 ASD)
Kaya naisip namin na ito ang magiging series natin this week — “Buhay na Walang Katapusan.”
Sabi nila, mas mahalaga ang katapusan ng isang kwento—mapa-pelikula man o libro—kaysa sa simula. Totoo naman, 'di ba? Nagbabasa tayo ng libro at nanonood ng sine para maintindihan ang takbo ng kwento at para malaman kung ano ang mangyayari. Pero higit sa lahat, excited tayong malaman kung paano ito matatapos. Kaya ngayong araw, sisimulan natin ang series na ito sa pamamagitan ng pagbasa ng isang paglalarawan mula sa pinakahuling aklat ng Bible. Nagpapakita ito ng mangyayari sa katapusan ng panahon:
Narinig ko ang isang malakas na sigaw mula sa trono, “Ngayon, ang tahanan ng Diyos ay nasa piling na ng mga tao! Mananahan na siyang kasama nila. Silaʼy magiging mga mamamayan niya. At siyaʼy makakapiling na nila at magiging Diyos nila. ‘Papahirin niya ang mga luha sa kanilang mga mata. Wala nang kamatayan,’ kalungkutan, iyakan o sakit. Sapagkat lumipas na ang dating kalagayan.” (Pahayag 21:3-4 ASD)
Can you imagine that kind of ending? Ang galing, di ba? Wala nang kamatayan, kalungkutan, iyakan o sakit. Ang saya!
Tandaan mo, isa kang miracle!
