Prayer Knows No Distance
Narinig mo na ba ang kasabihang, “The family that prays together, stays together”? Pero paano kung hindi na kayo magkakasama? Paano kung nasa ibang bansa ang isang parent for work, o nasa ibang city ang anak para mag-aral?
As we wrap up our series this week, “Hope For Your Family,” let’s look at one thing that can still connect us even when we’re miles apart: prayer.
This year, our oldest son finished senior high school. Naisip niyang mag-gap year muna, at pupunta siya sa ibang lugar for five months para mag-aral.
Exciting, di ba? New place, new experiences, new people. Pero bilang magulang, may kasama ring ibang thoughts: “Kumusta kaya siya? Safe kaya siya? Paano kung mahirapan siya? What if something happens and I’m not there?”
Last year, may kasama kami sa church na ang panganay nilang anak ay lumipat rin sa ibang probinsya para mag-college. We also have a friend who shared that during her first year of college, two plane rides away from home, she felt so lonely and struggled deeply. Exciting man ang bagong chapter, hindi naman ito laging sunshine and roses.
And that’s when we realize something important:
Hindi nalilimitahan ng distance ang pag-aalaga ni Lord sa pamilya natin. Kahit hindi natin sila kasama, hindi ibig sabihin na wala na tayong magagawa para sa kanila. We can pray. And God can work in their lives kahit nasaan man sila.
Ito ang pangako Niya sa Santiago 5:16 ASD:
“Malaki ang nagagawa ng panalangin ng taong matuwid.”
May mahal ka bang nasa malayo ngayon? Let’s take a few moments to pray for them. Sabihin mo kay Lord ang lahat ng worries at concerns mo tungkol sa kanila. Release them into His hands, knowing that He cares for them even more than you do.
Tandaan mo, isa kang miracle!
