Bring Your Family to God
Madalas ka bang nananalangin para sa pamilya mo?
Minsan, ang dali lang ng sagot natin: “Oo naman.” Parang ang simple pakinggan, ano? At oo, hindi ibig sabihin na dahil nananalangin tayo, wala na tayong kailangang gawin. Kung may kailangan tayong baguhin, ayusin, pag-usapan, o itama, kailangan din nating kumilos.
At may isang bagay na hindi natin dapat kalimutan: we can pray.
Ang prayer ay hindi lang isang religious activity na ginagawa natin dahil iyon ang “dapat.” Prayer is simply talking to God. It’s sharing with Him what you’re going through and what you’re feeling. At ang maganda, hindi mo kailangang maghintay ng perfect moment para manalangin. Pwede mong kausapin si Lord habang nagluluto, nagda-drive, naglalakad, kumakanta, o kahit nagsusulat sa journal. Kahit saan. Kahit kailan.
Pero ano nga ba ang nagagawa ng prayer para sa pamilya natin?
Kahapon, nabasa natin sa Philippians 4:6 na dalhin natin sa Diyos ang lahat ng ating pangangailangan. This means we can use prayer to quiet our worries and, instead, hear the voice of the Lord.
At isipin mo kung sino ang kausap mo. Hindi lang isang taong makikinig sa atin. We are talking to the God who created the universe. At hindi Siya walang pakialam sa mga maliliit na detalye ng buhay mo.
May anak kang nagrerebelde o unti-unting lumalayo sa iyo? You can call on a God who can reach them kahit saan sila naroroon, kahit hindi mo sila kayang abutin.
Kapag may problema sa marriage, prayer becomes more than asking God to fix your spouse. It’s an invitation for God to take His rightful place at the center of your family.
Kapag may problema sa finances, pwede kang sumandal sa Diyos na Siyang nakakakita ng pangangailangan mo at siyang nagbibigay ng iyong kailangan.
At minsan, hindi agad nawawala ang bagyo dahil nanalangin tayo. Pero habang dumadaan ka sa bagyo, hindi ka nag-iisa. God gives you peace even in the middle of the storm.
You may not be able to control everything happening in your family, but you can always bring your family to the One who is in control.
Tandaan mo, isa kang miracle!
