Ano ba ang ipinagkatiwala Niya sa iyo?
Eto, real talk. Kung ipagkakatiwala mo ang mga important things sa’yo, sino ang pipiliin mo? Do you have someone you can really trust? Syempre, dapat reliable, responsible, at kaya talagang alagaan ang iiwan mo like their own.
May alaga kaming aso at pusa. Kapag pumupunta kami sa city, naiiwan ang aso at ang kuting ay dinadala namin, maliit pa kasi ito kaya hindi pwedeng maiwan. Kapag wala kami, ang kapitbahay namin ang nagpapakain sa aso. A few weeks ago, umuwi kami sa bahay namin sa bukid at nakarating kami nang mga 7:00 ng gabi. Doon lang namin natuklasan na naiwan pala ang kuting sa bahay namin sa city! Apat na araw pa bago kami makakauwi 'don. Grabe ang aming pag-aalala dahil walang magbibigay ng pagkain doon. Muntik na kaming bumalik kahit na aabutin ng 1.5 hours drive ang byahe pabalik. Buti na lang, naalala ni Mark ang mga kaibigan naming may mga alaga ring pusa. Agad kaming nakiusap sa kanila kung pwedeng kunin muna nila at alagaan ang aming kuting sa bahay. Buti na lang at agad silang pumayag. Saka pa lang kami nakahinga ng maluwag. Sinundo naman namin kaagad ang kuting pagbalik namin sa city.
This week, we’re starting a new series called “Maging Mapagkakatiwalaan ni Lord.” Pag-aaralan natin kung ano ang ibig sabihin ng pagiging mapagkakatiwalaan, kahit sa maliliit na bagay—starting with this passage:
Ang taong mapagkakatiwalaan sa maliliit na bagay ay mapagkakatiwalaan din sa malalaking bagay. At ang taong madaya sa maliliit na bagay ay magiging madaya rin sa malalaking bagay. (Luke 16:10 ASD)
Nakikita mo ba? Mahalaga pala kay Lord ang maging mapagkakatiwalaan tayo sa maliliit na bagay—a basis on whether He can trust us with bigger things.
Ikaw ba, ano sa tingin mo ang isang maliit na bagay na ipinagkatiwala ni Lord sa iyo? Naging faithful ka ba dito?
Tandaan mo, isa kang miracle!
