Alam mo ba, masaya si Jesus! 🤩

Let’s continue our series for this week, “Masayahin ang Ating Panginoon.” Naniniwala ka ba dito? Kung nahihirapan kang paniwalaan ito, okey lang iyon. Dahil lumaki din kami sa pag-iisip na laging galit o nagbabantay ang Diyos na makagawa tayo ng kasalanan upang mapagalitan tayo. Ganoon siguro talaga kapag lumaki tayo sa mga turo ng nakatatanda na ginagamit ang Diyos bilang tagapagparusa. 

But if we will take a closer look at how the Lord describes Himself in the Bible, ibang-iba ang makikita natin. Pinapakita Niyang Siya’y mapagmahal, puno ng malasakit, at hinding-hindi madaling magalit. And even more amazingly, He is full of joy, gaya ng isinulat ng tagasulat ng Salmo na naglalarawan sa paparating na Mesiyas na si Jesus: 

… pinili ka ng Diyos, na iyong Diyos,at binigyan ng kagalakang higit sa ibinigay niyasa mga kasama mo. (Salmo 45:7 ASND) 

Nakikita mo ba, Friend? Hindi lang nito sinasabing masayahing tao si Jesus, kundi binigyan pa Siya ng Ama sa Langit ng kagalakang higit sa ibinigay niya sa iba. Ibig sabihin, si Jesus pala ang pinakamasayang tao sa buong mundo! 

Isn’t it hard to believe, lalo pa’t ang larawan natin sa isipan ay isang Jesus na parang laging nakasimangot? 

Pero ito ang isipin mo: bakit kaya lumalapit ang lahat ng kabataan sa Kanya, hanggang sa nainis na ang mga tagasunod Niya at ginustong paalisin ang mga ito? Nakakita ka na ba ng batang lumapit sa isang taong masungit? Hindi ito nangyayari; ang kabataan ay lumalapit lamang sa mga taong masigla at hindi sila natatakot.

Kaya ito ang bigkasin mo ngayong araw, Friend: “Jesus, ikaw ang pinakamaligayang Tao sa buong mundo!” 

Tandaan mo, Friend, isa kang miracle!

Isa kang miracle!